CANADA-BASED NRI’S DEATH

It’s a murder, allege kin 

Ludhiana, May 10
A day after the Jagraon police booked four "contract marriage" agents allegedly for forcing 22-year-old Canada-based NRI Amanpal to commit suicide and dumping his body in a canal, Tajinder Singh, victim's brother and other relatives, today claimed that he was killed by the four persons.

Tajinder, a native of Jalandhar settled in Bramption, Canada, met police officials in Jagraon today. He alleged that the police was insisting that Amanpla had committed suicide.

"My brother had told me on the phone that he wanted to return to Canada, but Kulwant Singh, Aman and Karamjit Kaur, alias Kammo, had confiscated his passport. He was not someone who could commit suicide," said Tajinder.

The police has initiated its probe on the suicide theory merely on the statements of the accused even as the dead body has not been recovered so far, he added.

ਮਨਮੀਤ ਸਿੰਘ ਭੁੱਲਰ ਅਲਬਰਟਾ ਦੇ ਕੈਬਨਿਟ ਮੰਤਰੀ ਬਣੇ

ਪ੍ਰੀਮੀਅਰ ਰੈੱਡਫੋਰਡ ਵੱਲੋਂ 19 ਮੈਂਬਰੀ ਮੰਤਰੀ ਮੰਡਲ ਦਾ ਗਠਨ

ਪ੍ਰੀਮੀਅਰ ਐਲੀਸਨ ਰੈੱਡਫੋਰਡ ਨਵੇਂ ਮੰਤਰੀ ਮੰਡਲ ਦਾ ਐਲਾਨ ਕਰਦੇ ਹੋਏ, ਨਾਲ ਉਨ੍ਹਾਂ ਦੇ ਸ. ਮਨਮੀਤ ਸਿੰਘ ਭੁੱਲਰ ਕੈਬਨਿਟ ਮੰਤਰੀ ਤੇ ਹੋਰ। 

ਕੈਲਗਰੀ/ਐਡਮਿੰਟਨ, 9 ਮਈ (ਵਤਨਦੀਪ ਸਿੰਘ ਗਰੇਵਾਲ)-ਅੱਜ ਪ੍ਰੀਮੀਅਰ ਐਲੀਸਨ ਰੈੱਡਫੋਰਡ ਦੀ ਅਗਵਾਈ 'ਚ ਅਲਬਰਟਾ ਮੰਤਰੀ ਮੰਡਲ ਨੇ ਸਹੁੰ ਚੁੱਕੀ। ਰੈੱਡਫੋਰਡ ਨੇ ਆਪਣੇ 19 ਮੈਂਬਰੀ ਮੰਤਰੀ ਮੰਡਲ 'ਚ ਕੁੱਝ ਨਵੇਂ ਚਿਹਰੇ ਸ਼ਾਮਿਲ ਕੀਤੇ ਹਨ। ਪੰਜਾਬੀ ਭਾਈਚਾਰੇ ਵੱਲੋਂ ਪ੍ਰੋਗਰੈਸਿਵ ਕੰਜ਼ਰਵੇਟਿਵ ਪਾਰਟੀ ਦੀ ਜਿੱਤ 'ਚ ਪਾਏ ਯੋਗਦਾਨ ਨੂੰ ਮੁੱਖ ਰੱਖਦਿਆਂ ਸ. ਮਨਮੀਤ ਸਿੰਘ ਭੁੱਲਰ ਨੂੰ ਸਮਾਜਿਕ ਸੇਵਾਵਾਂ ਬਾਰੇ ਕੈਬਨਿਟ ਮੰਤਰੀ ਵਜੋਂ ਮੰਤਰੀ ਮੰਡਲ 'ਚ ਸ਼ਾਮਿਲ ਕੀਤਾ ਗਿਆ ਹੈ। ਪਹਿਲੀ ਕੰਜ਼ਰਵੇਟਿਵ ਸਰਕਾਰ 'ਚ ਉਹ ਰਾਜ ਮੰਤਰੀ ਸਨ। ਥਾਮਸ ਲੂਕਾਸਜ਼ੁਕ ਨੂੰ ਡਿਪਟੀ ਪ੍ਰੀਮੀਅਰ ਬਣਾਇਆ ਗਿਆ। ਉਨ੍ਹਾਂ ਦੀ ਨਿਯੁਕਤੀ ਅਹਿਮ ਹੈ ਕਿਉਂਕਿ ਪਿੱਛਲੀ ਸਰਕਾਰ ਵੇਲੇ ਵਿਰੋਧੀ ਧਿਰ ਰੈੱਡਫੋਰਡ ਉਪਰ ਵਿਧਾਨ ਸਭਾ 'ਚ ਹਾਜ਼ਰ ਨਾ ਰਹਿਣ ਦੇ ਦੋਸ਼ ਲਾਉਂਦੀ ਰਹੀ ਹੈ। ਆਪਣੀ ਨਿਯੁਕਤੀ ਉਪਰੰਤ ਥਾਮਸ ਨੇ ਕਿਹਾ ਕਿ ਰੈੱਡਫੋਰਡ ਦੀ ਗੈਰਹਾਜ਼ਰੀ ਦੀ ਸੂਰਤ 'ਚ ਉਹ ਹਾਜ਼ਰ ਰਹਿਣਗੇ। ਇਸ ਤੋਂ ਇਲਾਵਾ ਕੈਲਗਰੀ ਦੇ ਸਾਬਕਾ ਕੌਂਸਲਰ ਰਿਕ ਮੈਕਲਵਰ ਨਵੇਂ ਟਰਾਂਸਪੋਰਟ ਮੰਤਰੀ ਹੋਣਗੇ ਜਦਕਿ ਸਾਬਕਾ ਕੈਲਗਰੀ ਪ੍ਰਿੰਸੀਪਲ ਕ੍ਰਿਸਟਾਈਨ ਕੁਸਾਨੇਲੀ ਨੂੰ ਸੈਰਸਪਾਟਾ ਮੰਤਰੀ ਬਣਾਇਆ ਗਿਆ ਹੈ। ਡਵੇ ਹੈਨਕੁਕ ਨੂੰ ਮਨੁੱਖੀ ਸੇਵਾਵਾਂ, ਕਲ ਡਲਾਸ ਕੌਮਾਂਤਰੀ ਮਾਮਲੇ, ਡਿਆਨਾ ਮੈਕੁਈਨ ਵਾਤਾਵਰਣ ਮਾਮਲੇ, ਫਰੈਡ ਹੌਰਨ ਨੂੰ ਸਿਹਤ ਸੇਵਾਵਾਂ ਤੇ ਕੇਨ ਹਿਊਸ ਨੂੰ ਊਰਜਾ ਮੰਤਰੀ ਬਣਾਇਆ ਗਿਆ। ਹੋਰ ਜਿਨ੍ਹਾਂ ਨੂੰ ਮੰਤਰੀ ਮੰਡਲ 'ਚ ਲਿਆ ਗਿਆ ਹੈ, ਉਨ੍ਹਾਂ 'ਚ ਜੈਫ ਜੌਹਨਸਨ (ਸਿੱਖਿਆ), ਵਰਲਿਨ ਓਲਸਨ (ਖੇਤੀਬਾੜੀ ਤੇ ਦਿਹਾਤੀ ਵਿਕਾਸ), ਜੋਨਾਥਨ ਡੈਨਿਸ (ਨਿਆਂ) ਡੌਗ ਗਰਿਫਿਤਸ (ਮਿਊਂਸਪਲ ਮਾਮਲੇ), ਰੌਬਿਨ ਕੈਂਪਬੈਲ (ਆਦਿਵਾਸੀ ਮਾਮਲੇ), ਹੀਥਰ ਕਲਿਮਚੁਕ (ਸਭਿਆਚਾਰ), ਵੇਨੇ ਡਰਾਈਸਡੇਲ (ਬੁਨਿਆਦੀ ਸਹੂਲਤਾਂ) ਤੇ ਸਟੀਫਨ ਖਾਨ (ਉਦਮੀ ਤੇ ਆਧੁਨਿਕ ਸਿੱਖਿਆ) ਸ਼ਾਮਿਲ ਹਨ। ਸ. ਮਨਮੀਤ ਸਿੰਘ ਭੁੱਲਰ ਨੂੰ ਕੈਬਨਿਟ ਮੰਤਰੀ ਬਣਾਉਣ 'ਤੇ ਪੰਜਾਬੀ ਭਾਈਚਾਰੇ ਦਾ ਮਾਣ ਵਧਿਆ ਹੈ। ਦੱਸਣਯੋਗ ਹੈ ਕਿ ਵਿਧਾਨ ਸਭਾ ਚੋਣਾਂ 'ਚ 6 ਪੰਜਾਬੀ ਮੂਲ ਦੇ ਵਿਧਾਇਕ ਚੁਣੇ ਗਏ ਸਨ ਪਰ ਇੱਕ ਹੀ ਪੰਜਾਬੀ ਮੂਲ ਦੇ ਵਿਧਾਇਕ ਨੂੰ ਮੰਤਰੀ ਮੰਡਲ 'ਚ ਸ਼ਾਮਿਲ ਕੀਤਾ ਗਿਆ ਹੈ।

ਸਿੱਖ ਨਸਲਕੁਸ਼ੀ ਪਟੀਸ਼ਨ ਦੇ ਸਮਰਥਨ 'ਚ ਕੈਨੇਡਾ ਤੋਂ ਦਸਤਖਤੀ ਮੁਹਿੰਮ ਆਰੰਭ

ਸਿੱਖ ਨਸਲਕੁਸ਼ੀ ਦਸਤਖਤੀ ਮੁਹਿੰਮ ਵਿਚ ਸ਼ਾਮਿਲ ਵੱਡੀ ਗਿਣਤੀ ਵਿਚ ਕੈਨੇਡਾ ਵਾਸੀ।

ਵੈਨਕੂਵਰ, 9 ਮਈ - ਨਵੰਬਰ 2012 ਵਿਚ ਸਿੱਖਸ ਫਾਰ ਜਸਟਿਸ ਅਤੇ ਆਲ ਇੰਡੀਆ ਸਿੱਖ ਸਟੂਡੈਂਟਸ ਫੈਡਰੇਸ਼ਨ ਵੱਲੋਂ ਨਸਲਕੁਸ਼ੀ ਪਟੀਸ਼ਨ ਸੰਯੁਕਤ ਰਾਸ਼ਟਰ ਅੱਗੇ ਦਾਇਰ ਕੀਤੀ ਜਾਵੇਗੀ। ਜਿਸ ਵਿਚ ਸੰਯੁਕਤ ਰਾਸ਼ਟਰ ਤੋਂ ਮੰਗ ਕੀਤੀ ਜਾਵੇਗੀ ਕਿ ਨਵੰਬਰ 1984 ਦੇ ਪਹਿਲੇ ਹਫਤੇ ਦੌਰਾਨ ਸਮੁੱਚੇ ਭਾਰਤ ਵਿਚ ਸਿੱਖਾਂ 'ਤੇ ਸੰਗਠਿਤ ਤੇ ਯੋਜਨਾਬੱਧ ਤਰੀਕੇ ਨਾਲ ਕੀਤੇ ਗਏ ਹਮਲਿਆਂ ਦੀ ਜਾਂਚ ਕਰਵਾਈ ਜਾਵੇ ਤੇ ਨਸਲਕੁਸ਼ੀ ਬਾਰੇ ਸੰਯੁਕਤ ਰਾਸ਼ਟਰ ਕਨਵੈਨਸ਼ਨ ਤਹਿਤ ਇਸ ਨੂੰ ਨਸਲਕੁਸ਼ੀ ਵਜੋਂ ਮਾਨਤਾ ਦਿੱਤੀ ਜਾਵੇ। ਇਸ ਮੰਤਵ ਦੀ ਪ੍ਰਾਪਤੀ ਲਈ ਸਿੱਖਸ ਫਾਰ ਜਸਟਿਸ ਸੰਸਥਾ ਵੱਲੋਂ ਕੈਨੇਡਾ ਤੋਂ ਦਸਤਖਤੀ ਮੁਹਿੰਮ ਦਾ ਆਰੰਭ ਕਰ ਦਿੱਤਾ ਗਿਆ ਹੈ। ਇਸ ਸਬੰਧੀ ਵੱਖ-ਵੱਖ ਸ਼ਹਿਰਾਂ ਵਿਚ ਵਿਸ਼ਾਲ ਇਕੱਠਾਂ ਰਾਹੀਂ ਮਨੁੱਖੀ ਅਧਿਕਾਰ ਸੰਸਥਾਵਾਂ ਅਤੇ ਸਿੱਖ ਜਥੇਬੰਦੀਆਂ ਨੂੰ ਇਸ ਮੁਹਿੰਮ ਵਿਚ ਸ਼ਾਮਿਲ ਕੀਤਾ ਜਾਵੇਗਾ। ਸ੍ਰੀ ਅਕਾਲ ਤਖਤ ਸਾਹਿਬ ਦੇ ਆਦੇਸ਼ਾਂ ਤਹਿਤ ਨਵੰਬਰ 1984 ਦੇ ਪੀੜਤਾਂ ਨੂੰ ਇਨਸਾਫ ਦਿਵਾਉਣ ਲਈ ਜਦੋ ਜਹਿਦ ਕਰ ਰਹੀ ਮਨੁੱਖੀ ਅਧਿਕਾਰ ਸੰਸਥਾ ਸਿੱਖਸ ਫਾਰ ਜਸਟਿਸ ਨੇ ਨਵੰਬਰ 1984 ਦੌਰਾਨ ਸਿੱਖਾਂ 'ਤੇ ਸੰਗਠਿਤ ਕਤਲੇਆਮ ਦੀ ਜਾਂਚ ਲਈ ਵਿਸ਼ੇਸ਼ ਕਮਿਸ਼ਨ ਦਾ ਗਠਨ ਕਰਨ ਅਤੇ ਨਵੰਬਰ 1984 ਵਿਚ ਸਿੱਖਾਂ ਦੇ ਕਤਲੇਆਮ ਨੂੰ ਨਸਲਕੁਸ਼ੀ ਵਜੋਂ ਮਾਨਤਾ ਦੇਣ ਲਈ ਸੰਯੁਕਤ ਰਾਸ਼ਟਰ ਅੱਗੇ ਦਾਇਰ ਕੀਤੀ ਜਾਣ ਵਾਲੀ ਨਸਲਕੁਸ਼ੀ ਪਟੀਸ਼ਨ ਦੇ ਸਮਰਥਨ ਵਿਚ ਕੈਨੇਡਾ ਵਿਚ ਖਾਲਸਾ ਡੇਅ ਨਗਰ ਕੀਰਤਨ ਮੌਕੇ 'ਹਾਂ ਇਸ ਨਸਲਕੁਸ਼ੀ ਹੈ', ਮੁਹਿੰਮ ਦੀ ਸ਼ੁਰੂਆਤ ਕੀਤੀ। ਸਿੱਖਸ ਫਾਰ ਜਸਟਿਸ ਦੇ ਕੋਆਰਡੀਨੇਟਰ ਜਤਿੰਦਰ ਸਿੰਘ ਗਰੇਵਾਲ ਨੇ ਕਿਹਾ ਕਿ ਮੁਹਿੰਮ ਦੇ ਸ਼ੁਰੂਆਤ ਵਾਲੇ ਦਿਨ ਹੀ 10 ਹਜ਼ਾਰ ਦਸਤਖਤ ਇਕੱਠੇ ਹੋ ਗਏ ਸੀ। ਸਿੱਖ ਫਾਰ ਜਸਟਿਸ ਦੇ ਕਾਨੂੰਨ ਸਲਾਹਕਾਰ ਅਟਾਰਨੀ ਗੁਰਪਤਵੰਤ ਸਿੰਘ ੰਪੰਨੂ ਅਨੁਸਾਰ ਸੰਯੁਕਤ ਰਾਸ਼ਟਰ ਵਿਚ ਪਟੀਸ਼ਨ ਦਾਇਰ ਕਰਨ ਲਈ ਸ੍ਰੀ ਅਕਾਲ ਤਖਤ ਸਾਹਿਬ ਦਾ ਹੁਕਮਨਾਮਾ ਉਸ ਵੇਲੇ ਆਇਆ ਹੈ ਜਦੋਂ ਭਾਰਤ ਵਿਚਲੀਆਂ ਸਮੇਂ-ਸਮੇਂ ਦੀਆਂ ਸਰਕਾਰਾਂ ਨਵੰਬਰ 1984 ਸਿੱਖਾਂ ਦੇ ਕਤਲੇਆਮ ਦੀ ਜਾਂਚ ਕਰਵਾਉਣ ਤੇ ਇਸ ਦੇ ਦੋਸ਼ੀਆਂ ਨੂੰ ਸਜ਼ਾ ਦਿਵਾਉਣ ਵਿਚ ਨਾਕਾਮ ਰਹੀਆਂ ਹਨ। ਉਨ੍ਹਾਂ ਨੇ ਦੱਸਿਆ ਕਿ ਟੋਰਾਂਟੋ ਕੈਨੇਡਾ ਵਿਚ ਸ਼ੁਰੂ ਕੀਤੀ ਗਈ 'ਹਾਂ ਇਹ ਨਸਲੀਕੁਸ਼ੀ ਹੈ' ਮੁਹਿੰਮ ਨੂੰ ਅਮਰੀਕਾ ਵਿਚ ਤੇ ਯੂਰਪੀਨ ਯੂਨੀਅਨ ਦੇ ਹੋਰ ਮੁਲਕਾਂ ਵਿਚ ਲਿਜਾਈ ਜਾਵੇਗੀ ਜਿਥੇ ਸਿੱਖ ਭਾਈਚਾਰੇ ਤੋਂ ਵੱਡੀ ਪੱਧਰ 'ਤੇ ਦਸਤਖਤ ਕਰਵਾਏ ਜਾਣਗੇ।

ਛੋਟੀ ਉਮਰ ਦੀਆਂ ਬੱਚੀਆਂ ਦਾ ਸਰੀਰਕ ਸ਼ੋਸ਼ਣ

ਪਾਕਿਸਤਾਨੀ ਮੂਲ ਦੇ 9 ਵਿਅਕਤੀ ਦੋਸ਼ੀ ਕਰਾਰ

ਅਦਾਲਤ ਵੱਲੋਂ ਦੋਸ਼ੀ ਪਾਏ ਗਏ ਮਾਸੂਮ ਬੱਚੀਆਂ ਦੇ ਸਰੀਰਕ ਸ਼ੋਸ਼ਣ ਕਰਨ ਵਾਲੇ ਪਾਕਿਸਤਾਨੀ ਮੂਲ ਦੇ ਵਿਅਕਤੀ।


ਲੰਡਨ, 9 ਮਈ - 13 ਸਾਲਾ ਇਕ ਬੱਚੀ ਸਮੇਤ ਛੋਟੀ ਉਮਰ ਦੀਆਂ ਲੜਕੀਆਂ ਨੂੰ ਵਰਗਲਾ ਕੇ ਉਨ੍ਹਾਂ ਨੂੰ ਡਰਗ, ਸ਼ਰਾਬ ਅਤੇ ਹੋਰ ਵਸਤੂਆਂ ਦੇ ਲਾਲਚ ਵਿਚ ਫਸਾ ਕੇ ਉਨ੍ਹਾਂ ਨਾਲ ਜ਼ਬਰਦਸਤੀ ਕਰਨ ਵਾਲੇ 9 ਵਿਅਕਤੀਆਂ ਦੇ ਇਕ ਏਸ਼ੀਅਨ ਗਰੋਹ ਨੂੰ ਲਿਵਰਪੂਲ ਅਦਾਲਤ ਨੇ ਅੱਜ ਦੋਸ਼ੀ ਕਰਾਰ ਦੇ ਦਿੱਤਾ ਹੈ। ਜਦ ਕਿ ਰੁਚਡੇਲ ਦੇ 2 ਵਿਅਕਤੀਆਂ ਕਾਮਰ ਸਹਿਜ਼ਾਦ ਅਤੇ ਲਿਆਕਤ ਸ਼ਾਹ ਤੇ ਅਜੇ ਮੁਕੱਦਮਾ ਚੱਲ ਰਿਹਾ ਹੈ। ਵਰ੍ਹੇ 2008 ਦੇ ਇਸ ਮਾਮਲੇ ਵਿਚ ਸ਼ਹਿਰ ਦੇ ਦੋ ਟੇਕਅਵੇਅ ਸ਼ਾਮਿਲ ਸਨ, ਜਦ ਕਿ 24 ਤੋਂ 59 ਸਾਲ ਦੀ ਉਮਰ ਤੱਕ ਦੇ ਆਦਮੀਆਂ ਦਾ ਇਕ ਗਰੁੱਪ ਇਸ ਵਿਚ ਸ਼ਾਮਿਲ ਸੀ।
ਓਲਡਹੈਮ ਦੇ ਇਕ 59 ਸਾਲਾ ਵਿਅਕਤੀ ਨੂੰ ਵੀ ਕਈ ਦੋਸ਼ਾਂ ਵਿਚ ਦੋਸ਼ੀ ਪਾਇਆ ਗਿਆ ਹੈ। ਪਰ ਉਸ ਦੀ ਪਹਿਚਾਣ ਗੁਪਤ ਰੱਖੀ ਗਈ ਹੈ। ਦੋਸ਼ੀਆਂ ਵਿਚ ਕਬੀਰ ਹੁਸੈਨ 25, ਅਬਦੁਲ ਅਜ਼ੀਜ਼ 41, ਅਬਦੁਲ ਰੌਫ 43, ਮੁਹੰਮਦ ਸਾਜਿਦ 35, ਮੁਮੰਦ ਅਮਿਨ 45, ਹਾਮਿਦ ਸਫੀ 22, ਅਬਦੁਲ ਕਾਇਓਮ 44, ਲਿਆਕਤ ਸ਼ਾਹ 42 ਅਤੇ ਇਕ 59 ਸਾਲਾ ਵਿਅਕਤੀ ਸ਼ਾਮਿਲ ਹੈ ਜਿਸ ਦੀ ਪਹਿਚਾਣ ਅਦਾਲਤ ਵੱਲੋਂ ਨਸ਼ਰ ਨਹੀਂ ਕੀਤੀ ਗਈ।
ਰਮਦਾਨ ਫਾਊਂਡੇਸ਼ਨ ਦੇ ਚੀਫ ਮੁਹੰਮਦ ਸਾਫੀਕ ਨੇ ਕਿਹਾ ਹੈ ਕਿ ਇਸ ਮਾਮਲੇ ਵਿਚ ਸ਼ਰਮ ਨਾਲ ਪਾਕਿਸਤਾਨੀ ਭਾਈਚਾਰੇ ਦੇ ਬਜ਼ੁਰਗਾਂ ਦਾ ਸਿਰ ਮਿੱਟੀ ਵਿਚ ਧਸ ਗਿਆ ਹੈ, ਉਨ੍ਹਾਂ ਕਿਹਾ ਕਿ ਇਹ ਬ੍ਰਿਟਿਸ਼ ਪਾਕਿਸਤਾਨੀ ਭਾਈਚਾਰੇ ਵਿਚ ਵੱਡੀ ਸਮੱਸਿਆ ਹੈ। ਮਾਨਚੈਸਟਰ ਦੇ ਪੁਲਿਸ ਚੀਫ ਨੇ ਕਿਹਾ ਹੈ ਕਿ ਇਹ ਕੋਈ ਨਸਲੀ ਮਾਮਲਾ ਨਹੀਂ ਹੈ, ਬਲਕਿ ਵੱਡੀ ਉਮਰ ਦੇ ਲੋਕਾਂ ਵੱਲੋਂ ਛੋਟੀ ਉਮਰ ਦੇ ਬੱਚਿਆਂ ਦਾ ਸ਼ੋਸ਼ਣ ਕਰਨਾ ਹੈ। ਮਾਮਲੇ ਦੀ ਸੁਣਵਾਈ ਦੌਰਾਨ ਅਦਾਲਤ ਦੇ ਬਾਹਰ ਵੱਡੀ ਗਿਣਤੀ ਵਿਚ ਪੁਲੀਸ ਫੋਰਸ ਲਗਾਈ ਗਈ ਸੀ, ਇਸ ਦੌਰਾਨ ਸੰਬੰਧਿਤ ਦੋਸ਼ੀਆਂ ਦੇ ਦੋਵੇਂ ਟੇਕਅਵੇਅ ਦੀਆਂ ਦੁਕਾਨਾਂ ਤੇ 100 ਤੋਂ ਵੱਧ ਲੋਕਾਂ ਨੇ ਹਮਲਾ ਕਰਕੇ ਭੰਨ-ਤੋੜ ਦੀ ਕੋਸ਼ਿਸ਼ ਕਰਨ ਦੀ ਵੀ ਖ਼ਬਰ ਮਿਲੀ ਹੈ।

Anand Marriage Bill introduced in Rajya Sabha

New Delhi, May 7
The government today brought before Parliament a Bill to amend the 103-year-old statute that hitherto allowed solemnisation of Sikh marriages but not their legal validation.
The Anand Marriage Amendment Bill:2012, introduced in the Rajya Sabha today by Law Minister Salman Khurshid, amends the Anand Marriage Act, 1909, by inserting a new Section enabling registration of marriages performed as per the Sikh rituals (Anand Karaj).
The amendment Bill defines the Sikh marriage ceremony as “Anand Karaj” instead of “Anand” as in the old law. Once passed by both Houses of Parliament, it will give the Sikhs the liberty to register their marriages separately and will exempt them from registering these under the Registration of Births, Marriages and Deaths Act, 1969 (which the government plans to amend to provide for religion neutral registration of marriages across India).
The Sikhs would continue to have the option of registering their marriages under the Hindu Marriage Act, 1955, as before. It was registration under this Act that had been causing confusion about their religious identity abroad with their marriage certificates describing them as Hindus.
Importantly, the amendment Bill doesn’t provide for divorce among Sikh couples. For a divorce, they would have to use the Hindu Marriage Act.
Senior Supreme Court lawyer HS Phoolka, commenting on the matter, said: “Because the amendment Bill serves a limited purpose of giving Sikh religion a separate identity by allowing marriage registration under a pre-existing law, it is not a complete marriage law.
“Any religion to be recognised must have its separate ceremony of births, deaths and marriages. Sikhs didn’t have a separate marriage law so far and they wanted the Anand Marriage Act amended for the purpose. For divorce, Sikhs can use the Hindu Marriage Act, 1955.”
The amendment Bill clearly states that “parties whose marriage has been registered under this Act won’t be required to get marriage registered under the Registration of Births and Deaths Act, 1969, after the enactment of the proposed amendments in this Bill.” “Today we have won the battle for a separate identity as a religion,” said former MP Tarlochan Singh who led the movement for the Bill. “The SGPC is also against any divorce provision under the Anand Marriage Amendment Bill,” he said. The Parliamentary Standing Committee on Law had approved these amendments in 2007 when Veerappa Moily was Law Minister. “The Bill need not go again to the standing committee and can be simply taken up and passed,” Tarlochan Singh added.

No provision of divorce in the new BillFor seeking divorce, Sikhs would have to use the Hindu Marriage Act. The Union Cabinet had approved amendment to the Anand Marriage Act, 1909, on April 12 this year.

ਜਸਵਿੰਦਰ ਸਿੰਘ ਐਡਵੋਕੇਟ ਦਾ ਐਡਮਿੰਟਨ, ਕੈਨੇਡਾ ਵਿਖੇ ਨਿੱਘਾ ਸਵਾਗਤ

ਜਸਵਿੰਦਰ ਸਿੰਘ ਐਡਵੋਕੇਟ ਨੂੰ ਸਨਮਾਨਿਤ ਕਰਦੇ ਵਿਧਾਇਕ ਪੀਟਰ ਸੰਧੂ, ਵਿਧਾਇਕ ਨਰੇਸ਼ ਭਾਰਦਵਾਜ

ਐਡਮਿੰਟਨ, 3 ਮਈ - ਪਿਛਲੇ ਦਿਨੀਂ ਕੈਨੇਡਾ ਦੀ ਫੇਰੀ 'ਤੇ ਆਏ ਐਡਵੋਕੇਟ ਜਸਵਿੰਦਰ ਸਿੰਘ ਬਾਘਾ ਪੁਰਾਣਾ ਐਡਮਿੰਟਨ ਨਿਵਾਸੀ ਸ਼ਮਸ਼ੇਰ ਬਰਾੜ ਦੇ ਸੱਦੇ 'ਤੇ ਐਡਮਿੰਟਨ ਪੁੱਜੇ। ਉਨ੍ਹਾਂ ਦੇ ਸਵਾਗਤ ਲਈ ਬਰਾੜ ਪਰਿਵਾਰ ਨੇ ਸਥਾਨਕ ਮਹਾਰਾਜਾ ਹਾਲ ਵਿਖੇ ਪ੍ਰੋਗਰਾਮ ਕੀਤਾ। ਸਮਾਗਮ ਦੀ ਪ੍ਰਧਾਨਗੀ ਕਰਦਿਆਂ ਐਡਵੋਕੇਟ ਜਸਵਿੰਦਰ ਨੇ ਪੁੱਜੇ ਸ਼ਹਿਰ ਵਾਸੀਆਂ ਨੂੰ ਗੰਭੀਰਤਾ ਨਾਲ ਦੱਸਿਆ ਕਿ ਜਦੋਂ ਵੀ ਵਿਦੇਸ਼ਾਂ 'ਚ ਵਸਦੇ ਭਾਈਚਾਰੇ ਨੂੰ ਆਪਣੀ ਚੱਲ-ਅਚੱਲ ਜਾਇਦਾਦ ਨੂੰ ਵਿਕਰੀ ਕਰਨ ਦਾ ਹੱਕ ਆਪਣੇ ਰਿਸ਼ਤੇਦਾਰਾਂ ਨੂੰ ਨਹੀਂ ਦੇਣਾ ਚਾਹੀਦਾ ਸਿਰਫ਼ ਉਨ੍ਹਾਂ ਨੂੰ ਆਪਣੀ ਜਾਇਦਾਦ ਨੂੰ ਲੀਜ਼, ਸਾਂਝ ਸੰਭਾਲ ਸਬੰਧੀ ਹੱਕ ਦੇਣੇ ਚਾਹੀਦੇ ਹਨ। ਅੱਜਕਲ੍ਹ ਪੰਜਾਬ ਵਿਖੇ ਜਾਇਦਾਦਾਂ ਲੱਖਾਂ ਤੋਂ ਕਰੋੜਾਂ ਦੀਆਂ ਬਣ ਚੁੱਕੀਆਂ ਹਨ। ਇਥੇ ਵਸਦਾ ਭਾਈਚਾਰਾ ਪਹਿਲਾਂ ਆਪਣੀ ਜਾਇਦਾਦ ਨੂੰ ਪੰਜਾਬ ਬੈਠੇ ਪਰਿਵਾਰਾਂ ਨੂੰ ਸਹਾਇਤਾ ਵਜੋਂ ਉਸ ਦੀ ਆਮਦਨ ਵਰਤਣ ਲਈ ਦਿੰਦਾ ਹੈ ਪ੍ਰੰਤੂ ਬਾਅਦ ਵਿਚ ਪੰਜਾਬ ਵਸਦਾ ਪਰਿਵਾਰ ਉਸ ਜਾਇਦਾਦ ਨੂੰ ਆਪਣੀ ਹੀ ਸਮਝ ਬੈਠਦਾ ਹੈ ਜਿਸ ਕਾਰਨ ਵਿਦੇਸ਼ੀਆਂ ਦੀ ਜਾਇਦਾਦਾਂ ਉੱਪਰ ਕਬਜ਼ੇ ਆਮ ਹੋ ਜਾਂਦੇ ਹਨ। ਇਸ ਕਰਕੇ ਵਿਦੇਸ਼ੀ ਬਾਅਦ ਵਿਚ ਪੰਜਾਬ ਦੁਬਾਰਾ ਜਾਣ ਦਾ ਨਾਂਅ ਤੱਕ ਨਹੀਂ ਲੈਂਦੇ। ਸਮਾਗਮ ਵਿਚ ਐਡਵੋਕੇਟ ਜਸਵਿੰਦਰ ਸਿੰਘ ਨੂੰ ਵਿਧਾਇਕ ਪੀਟਰ ਸੰਧੂ, ਸਿੱਖ ਫੈਡਰੇਸ਼ਨ ਦੇ ਕਰਨੈਲ ਸਿੰਘ ਦਿਉਲ, ਵਿਧਾਇਕ ਨਰੇਸ਼ ਭਾਰਦਵਾਜ ਵੱਲੋਂ ਸਨਮਾਨ ਚਿੰਨ੍ਹ ਵੀ ਭੇਟ ਕੀਤਾ ਗਿਆ। ਇਸ ਮੌਕੇ ਸ਼ਮਸ਼ੇਰ ਬਰਾੜ, ਹੈਰੀ ਬਰਾੜ, ਤੀਰਥ ਬਰਾੜ, ਬਲਦੇਵ ਧਾਲੀਵਾਲ ਤੋਂ ਇਲਾਵਾ ਦਰਜਨਾਂ ਨਿਵਾਸੀ ਹਾਜ਼ਰ ਸਨ।

ਨਿਊਜ਼ੀਲੈਂਡ 'ਚ ਪੰਜਾਬੀ ਪਰਿਵਾਰ ਨੇ ਉਗਾਈ 3 ਕਿਲੋ ਦੀ ਮੂਲੀ

ਮਾਸਟਰ ਤਰਨਪ੍ਰੀਤ ਸਿੰਘ ਮੂਲੀ ਨੂੰ ਮੋਢਿਆਂ 'ਤੇ ਚੁੱਕੀ ਨਜ਼ਰ ਆ ਰਿਹਾ ਹੈ

ਆਕਲੈਂਡ, 1 ਮਈ-ਨਿਊਜ਼ੀਲੈਂਡ ਵਸੇ ਪੰਜਾਬੀਆਂ ਨੇ ਜਿੱਥੇ ਆਪਣੀ ਮਿਹਨਤ ਤੇ ਲਗਨ ਦੇ ਨਾਲ ਇਥੇ ਦੀ ਖੇਤੀਬਾੜੀ ਨੂੰ ਨਵੇਂ ਅਰਥ ਦਿੱਤੇ ਹਨ ਉਥੇ ਕੁਦਰਤ ਨੇ ਵੀ ਉਨ੍ਹਾਂ ਸੰਗ ਰਲਦਿਆਂ ਉਨ੍ਹਾਂ ਦੀ ਪਹਿਚਾਣ ਬਣਾਉਣ 'ਚ ਆਪਣੀ ਭੂਮਿਕਾ ਨਿਭਾਈ ਹੈ। ਇਹ ਕੁਦਰਤ ਦੀ ਮਰਜ਼ੀ ਕਹਿ ਲਓ ਕਿ ਇਕ ਪੰਜਾਬੀ ਵੀਰ ਸ. ਜਸਵੀਰ ਸਿੰਘ ਪੱਲੀਝਿੱਕੀ ਵਾਲਿਆਂ ਦੇ ਬੰਬੇ ਹਿੱਲ ਵਾਲੇ ਖੇਤਾਂ 'ਚ ਬੀਜੀਆਂ ਮੂਲੀਆਂ 3 ਕਿਲੋਗ੍ਰਾਮ ਤੇ ਕੱਦ 2 ਫੁੱਟ ਤੋਂ ਵੱਧ ਲੰਬੀਆਂ ਹੋਈਆਂ।